Við leggjum áherslu á þrjú aðskilin skref:

1. Lakkið er undirbúið og lakkslípað eftir þörfum áður en PPF filman er sett á.
Við viljum ekki loka þvottrispur, dýpri rispur eða aðra leiðréttanlega lakkgalla undir filmu sem getur verið á bílnum næstu árin.

2. Apollo PPF myndar mekaníska vörn yfir lakkinu.
Filman tekur við steinkasti, rispum, núningi og öðru álagi sem annars myndi lenda beint á lakkinu.

3. Apollo TX200 frá Titan Coatings® er sett yfir PPF-filmuna.
Þetta er sérstök, sveigjanleg FlexiFilm-varnarhimna (coat) sem ver yfirborð PPF-filmunnar sjálfrar gegn sliti, veðrun, mengun og efnaálagi ásamt því að auðvelda þrif og viðhald til muna.

Lakkslípun → PPF → sérstök PPF-vörn

Þannig er markmiðið ekki eingöngu að verja lakkið með PPF heldur einnig að undirbúa yfirborðið áður en filman er sett á og verja filmuna sjálfa eftir ásetningu.

Þetta er mikilvægt að hafa í huga þegar PPF-tilboð eru borin saman. Sama heiti á þjónustu þýðir ekki endilega sama umfang undirbúnings, frágangs eða eftirmeðhöndlunar.

Hvað er PPF?

PPF, eða Paint Protection Film, er gegnsæ eða mött TPU-varnarfilma sem lögð er yfir lakkaða fleti bílsins.

Hlutverk hennar er fyrst og fremst að mynda fórnarlag milli lakksins og umhverfisins. Steinkast, rispur, núningur, sandur og annað mekanískt álag lendir fyrst á filmunni í stað upprunalegs lakks ökutækisins.

PPF og lakkvörn gegna því ekki sama hlutverki.

PPF veitir fyrst og fremst mekaníska vörn.

Lakkvörn ver yfirborðið, eykur fráhrindingu og auðveldar þrif og viðhald.

Með því að sameina kerfin er hægt að nýta styrkleika beggja.

Undirbúningur áður en PPF er sett á

Gæði PPF-vinnu ráðast ekki eingöngu af filmunni.

Ástand lakksins áður en filman er sett á, hreinsun, undirbúningur, ásetning og lokafrágangur hafa allir áhrif á lokaútkomuna.

Hjá ÓK Bón er bíllinn því undirbúinn sérstaklega áður en PPF-ásetning hefst.

Bíllinn er þveginn vandlega og lakkið djúphreinsað. Járnagnir, tjara og önnur föst óhreinindi eru fjarlægð eftir þörfum.

Þegar yfirborðið er hreint er ástand lakksins metið.

Lakkið er síðan lakkslípað/pólerað eftir þörfum áður en PPF er sett á.

Ástæðan er einföld:

PPF getur verið á ökutækinu í mörg ár og við viljum ekki loka leiðréttanlega lakkgalla undir filmunni ef hægt er að bæta yfirborðið áður en hún er sett á.

Á nýjum bíl getur þetta fyrst og fremst falist í léttri lakkhreinsun og frágangi en ástand lakksins ræður alltaf raunverulegri vinnu.

Markmiðið er að yfirborðið undir PPF filmunni sé eins gott og raunhæft er áður en langtímavörn er sett yfir það.

Apollo PPF

Hjá ÓK Bón notum við Apollo Protection Film, TPU-varnarfilmur sem eru þróaðar með áherslu á mekaníska vörn, útlit, sveigjanleika og endingu.

Apollo og Titan Coatings® vinna saman að heildstæðu varnarkerfi þar sem ekki er eingöngu horft á PPF-filmuna heldur einnig hvernig hægt er að verja og viðhalda yfirborði hennar eftir ásetningu.

Við bjóðum mismunandi Apollo-filmur eftir notkun, útliti og því hversu mikillar varnar er óskað.

Apollo Optiheal – Instant Healing PPF

Apollo Optiheal er glansandi PPF með Instant Healing yfirborðstækni.

Léttar yfirborðsrispur geta jafnað sig án þess að hita þurfi filmuna sérstaklega. Það hjálpar filmunni að viðhalda sléttu yfirborði, tærleika og gljáa.

Optiheal er um 190 μm að heildarþykkt og hefur ≥300% teygjanleika.

TPU-uppbygging filmunnar myndar mekanískt fórnarlag yfir lakkinu og tekur við álagi sem annars myndi lenda beint á upprunalegu yfirborði ökutækisins.

Optiheal kemur með allt að 10 ára framleiðandaábyrgð samkvæmt gildandi ábyrgðarskilmálum Apollo PPF.

Apollo Shield+ – aukin efnisþykkt og mekanísk vörn

Fyrir þá sem vilja leggja enn meiri áherslu á mekaníska vörn er Apollo Shield+ einnig í boði hjá ÓK Bón.

Shield+ er glansandi, sjálflæknandi TPU-varnarfilma með meiri efnisþykkt.

Tæknilegar upplýsingar Shield+

• Heildarþykkt: 10 mil ±0,3, eða um 254 μm
• Teygjanleiki: ≥300%
• Togstyrkur: 37 MPa
• Límþykkt: 2 - 5 μm
• Yfirborðslag: 10 μm
• Peel force eftir 24 klst.: 1400 g/inch
• Hitaprófun: 40–80°C – engin breyting
• Solvent resistance: engin breyting
• Gravel test: engin breyting
• Eiginleiki: Self Healing
• Ábyrgð: 10 ár

Shield+ er því sérstaklega áhugaverður valkostur fyrir ökutæki sem verða fyrir miklu álagi, til dæmis vegna mikils þjóðvegaaksturs, vetraraksturs, malarvega eða þegar eigandi vill einfaldlega meiri efnisþykkt á milli lakksins og umhverfisins.

Apollo Stealth Skin – matt/satín PPF

Apollo Stealth Skin veitir sömu grunnvirkni PPF en með mattri/satín áferð.

Hægt er að nota filmuna til að verja matt lakk eða breyta útliti glansandi bíls yfir í matt/satín yfirborð án þess að mála bílinn.

Stealth Skin er sjálflæknandi og teygjanleg TPU-filma sem ver lakkið gegn steinkasti, rispum, núningi og daglegu sliti.

Stealth Skin kemur með allt að 6 ára framleiðandaábyrgð samkvæmt gildandi ábyrgðarskilmálum Apollo PPF.

Sjálflæknandi PPF – hvað þýðir það?

Mikilvægt er að gera greinarmun á sjálflæknandi yfirborði og því að PPF sé óeyðandi.

Sjálflæknandi eiginleikar eiga við um léttar rispur og ummerki í efsta yfirborðslagi filmunnar.

Þeir þýða ekki að gat eftir stein, djúpur skurður eða alvarleg mekanísk skemmd geti gróið aftur saman.

Við mikið högg getur PPF-filman sjálf skemmst.

Það þýðir ekki að filman hafi brugðist. Hlutverk hennar er að taka við eins miklu af högginu og álaginu og mögulegt er áður en það nær upprunalegu lakki bílsins.

PPF er fórnarlag – ekki óeyðandi brynja.

Við verjum líka PPF-filmuna sjálfa

Þetta er einn mikilvægasti munurinn á PPF-ferlinu hjá ÓK Bón og einfaldri PPF-ásetningu.

Nútíma PPF-filmur geta komið með yfirborðslagi frá framleiðanda sem veitir meðal annars gljáa, blettaþol og vatnsfráhrindandi eiginleika.

Vatnsfráhrindandi yfirborðslag PPF-filmu er hins vegar ekki það sama og sérstök lakkvörn sem er borin á yfir filmuna eftir ásetningu.

Hjá ÓK Bón notum við Apollo TX200 frá Titan Coatings® til að bæta sérstöku varnarlagi yfir PPF.

Apollo TX200 – 5 μm FlexiFilm-varnarhimna yfir PPF

Apollo TX200 er ekki hefðbundin hörð keramísk lakkvörn.

Hún byggir á ElastoTek® FlexiFilm Membrane Technology og er sérstaklega hönnuð sem sveigjanleg yfirborðsvörn sem hentar meðal annars yfir PPF.

Apollo TX200 myndar um 5 μm þykka sveigjanlega varnarhimnu ofan á filmunni.

Þetta þýðir að PPF ver lakkið – en Apollo TX200 hjálpar til við að verja PPF-filmuna sjálfa.

Slit- og veðrunarþol

PPF verður stöðugt fyrir álagi.

Sandur, ryk, vegsalt, umferðarmengun, þvottar og almenn veðrun vinna á yfirborði filmunnar með tímanum.

Apollo TX200 myndar sérstakt fórnarlag yfir PPF filmunni sem hjálpar til við að taka við hluta af þessu yfirborðsálagi.

Þetta eykur slit- og veðrunarþol yfirborðsins og hjálpar til við að varðveita PPF-filmuna.

Efnaþol

PPF verður einnig fyrir ýmsum efnum í daglegri notkun.

Vegsalt, umferðarmengun, járnútfellingar, tjöru, flugur, fuglaskítur, hreinsiefni og önnur óhreinindi geta setið á yfirborðinu.

Apollo TX200 myndar þétt varnarlag sem eykur viðnám yfirborðsins gegn óhreinindum og efnaálagi.

Vatns- og óhreinindafráhrinding

Apollo TX200 hefur omniphobic yfirborðseiginleika sem dregur úr viðloðun vatns, óhreininda og annarrar mengunar.

Þetta er ekki eingöngu gert til að fá fallegar vatnsperlun.

Minni viðloðun óhreininda þýðir að auðveldara verður að þrífa yfirborðið.

Minna mekanískt álag við þrif

Því auðveldar sem óhreinindi losna frá yfirborðinu, því minni þörf er almennt fyrir mikinn mekanískan núning við þvott.

Það hjálpar til við að draga úr óþarfa álagi á yfirborð PPF-filmunnar yfir líftíma hennar.

Viðheldur eiginleikum PPF

Apollo TX200 er þróað til notkunar yfir PPF með það að markmiði að viðhalda tærleika og sjálflæknandi eiginleikum filmunnar á sama tíma og bætt er við öðru varnarlagi.

Sjálf-endurnýjandi yfirborðseiginleikar

Mimetic-tækni FlexiFilm-himnunnar hjálpar yfirborðinu að viðhalda vatns- og óhreinindafráhrindandi eiginleikum sínum yfir líftímann.

Tæknilegar upplýsingar – Apollo TX200

• Tegund: ElastoTek® FlexiFilm Membrane Coating
• Notkun: Top Coat & PPF Coating
• Þykkt varnarhimnu: ≥5 μm
• Ending: 5+ ár samkvæmt upplýsingum framleiðanda. 2 ár á PPF
• Hitaþol: allt að 600°C
• pH-þol: Full Scale
• Fullt efnaþol: eftir 7 daga
• Herðingartími: 12 klst.
• Hámarksfjöldi laga: 2
• Efnisnotkun: um 3 ml/m²
• Tækni: ElastoTek® / FlexiFilm Membrane Technology
• Yfirborð: Omniphobic
• Eiginleikar: mikil sleipni, mengunarþol, efnaþol, rakaþol og sjálf-endurnýjandi yfirborðseiginleikar

Þrjú skref – eitt heildarkerfi

Þegar umfangsmikil PPF-vinna er framkvæmd hjá ÓK Bón er hugsunin því ekki eingöngu:

Setja filmu á bílinn.

Ferlið byggir á þremur aðskildum þáttum:

1. Lakkið undirbúið

Lakkið er hreinsað, metið og lakkslípað eftir þörfum svo leiðréttanlegir gallar séu ekki einfaldlega lokaðir undir PPF.

2. Lakkið varið

Apollo PPF myndar þykkt TPU-fórnarlag sem tekur við steinkasti, rispum, núningi og öðru mekanísku álagi.

3. PPF-filman varin

Apollo TX200 myndar síðan sérstaka, um 5 μm sveigjanlega varnarhimnu yfir PPF til að auka yfirborðsvörn, slit- og veðrunarþol, efnaþol og auðvelda viðhald.

Lakkslípun → Apollo PPF → Apollo TX200

Þetta er heildarhugsunin á bak við PPF-vörn hjá ÓK Bón.

Eftirfylgni eftir PPF-ásetningu

PPF-ásetningu er ekki endilega lokið í okkar huga um leið og bíllinn fer út úr húsi.

Filman og límið ganga í gegnum aðlögun eftir ásetningu og því viljum við taka filmuna út aftur eftir afhendingu og ganga úr skugga um að frágangur sé eins og hann á að vera.

Frí fyrstu þrif eftir 2 vikur

Með eftirfarandi PPF-pökkum bjóðum við fyrstu þrif bílsins án endurgjalds þegar um tvær vikur eru liðnar frá afhendingu:

• Allur framendi
• Aksturspakki
• Allur bíllinn

Við þrífum bílinn og förum jafnframt yfir PPF-ásetninguna. Þannig getum við skoðað filmuna eftir að hún hefur fengið tíma til að setjast og brugðist við ef einhver frágangur þarfnast lagfæringar.

Þetta er bæði fyrsta réttu þrif bílsins eftir PPF-ásetningu og eftirlit með vinnunni okkar.

Önnur PPF-vinna

Þegar um minni PPF-vinnu er að ræða, til dæmis einstaka hluti eða afmörkuð svæði, biðjum við viðskiptavini að koma við hjá okkur eftir um tvær vikur svo við getum tekið filmuna út.

Það tekur almennt stuttan tíma og gerir okkur kleift að staðfesta að filman hafi sest og frágangur sé réttur eftir fyrstu notkun.

Markmiðið er einfalt: við viljum ekki aðeins afhenda PPF-vinnuna – við viljum líka sjá hana aftur eftir að filman hefur fengið tíma til að setjast.

Þarf að heilfilma alla bíla?

Nei.

Við mælum ekki sjálfkrafa með dýrustu eða umfangsmestu lausninni.

Rétt umfang PPF fer meðal annars eftir akstri, árlegum kílómetrafjölda, notkun bílsins, akstursleiðum, hversu lengi eigandi ætlar að eiga bílinn og hversu mikla mekaníska vörn hann vill.

Fyrir marga bíla getur verið hagkvæmara að setja PPF á þau svæði sem verða fyrir mestu álagi og nota Titan Coatings lakkvörn á aðra fleti.

Algeng áhættusvæði eru meðal annars:

• sílsar og neðri hliðar
• framstuðari
• húdd
• frambretti
• speglar
• hleðslubrún
• önnur svæði sem verða fyrir miklu steinkasti eða núningi

Fyrir bíla í miklum þjóðvegaakstri eða þegar óskað er eftir hámarksvernd getur heilfilmun hins vegar verið rétta lausnin.

PPF eða lakkvörn?

Þetta eru tvær ólíkar varnir sem vinna mjög vel saman.

PPF er fyrst og fremst valið þegar markmiðið er að verja lakkið gegn mekanísku álagi eins og steinkasti, rispum, sandblæstri og núningi.

Titan Coatings lakkvörn er valin þegar markmiðið er að verja yfirborðið gegn umhverfisáhrifum, auka fráhrindingu og auðvelda þrif og viðhald.

Fyrir hámarksheildarvörn er hægt að sameina bæði kerfin.

Þannig fær bíllinn mekaníska PPF-vörn þar sem hennar er þörf og yfirborðsvörn sem hjálpar til við að halda bæði lakki og PPF í sem bestu ástandi.

Þegar PPF-tilboð eru borin saman

Verð eitt og sér segir ekki alltaf alla söguna.

Við mælum með að skoða hvað raunverulega er innifalið:

Hvernig er lakkið undirbúið áður en filman er sett á?

Er lakkið lakkslípað ef þess er þörf?

Hvaða PPF-filma er notuð og hver er raunveruleg efnisþykkt hennar?

Hvaða ábyrgð fylgir filmunni?

Er sérstök PPF-lakkvörn borin yfir filmuna eftir ásetningu eða er eingöngu vísað í vatnsfráhrindandi yfirborðslag filmunnar sjálfrar?

Hvaða þjónusta og eftirfylgni fylgir vinnunni?

Hjá ÓK Bón viljum við að viðskiptavinurinn viti nákvæmlega hvað hann er að kaupa og hvers vegna hvert skref er framkvæmt.